Winter's Pov

"Happy birthday anak! I love you mochi." 

"Happy birthday love, I love you.." 

"Bubuh! Ah! mimi nay!" 

Tawang-tawa si Khio ng pupugin namin sya ng halik ng mommy nya sa magkabilang pisngi pagkatapos namin sya kantahan ng happy birthday song. Kanina pa nagtu-tumili ang bochog namin dahil ang dami nyang bisitang bata ngayon na nakapalibot sa lamesa na pinagpapatungan ng 3 layers dinosaur cake nya sa harap namin. 

Pati yung mga bata aliw na aliw sa cake, paano ba naman, si Karina ang may idea ng cake design ni Khio, ang ganda naman talaga dahil buhay na buhay ang kulay green na mga dinosaurs. May malaking T-rex pa na gawa sa fondant na ang style ay parang nakayakap sa mismong cake kaya ang laki nito. 

Ganoon na din sa sweet sections at ibang-ibang food boths lahat ay dinosaur design, parang baby boy tuloy ang may birthday dahil sa theme na pinili mismo ni Khio. At oo, sya ang namili, binigyan namin sya ng mga cards na may dinosaur designs na kulay pink, yellow, blue and green. At ang napili nga nya ay blue and green motif, ayaw na nya halos bitawan yung card na hawak nya. Dinagdagan na lang namin ng bulaklak kunwari sa forest yung design ng party nya para kahit papaano magmukhang girly pa din. 

Napag-pasyahan namin ni Karina na dito na lang sa San Isidro sa bakuran ng bahay namin gawin ang first birthday ni Khio, malawak naman ang bakuran at kaya umukupa ng mga bisita. Naisip kasi namin na since baby si Khio dapat maraming bata ang bisita nya, kaya eto nga't parang halos lahat, bata ang nasa harapan namin. Ang saya saya lang, tuwang tuwa si Khio dahil mahilig talaga sya makipaglaro kapag nakakakita sya ng bata. 

Pumayag naman si grandpa sa desisyon namin, ang gara naman daw kasi na first birthday eh puro ceos ang bisita ni Khio. Kaya eto, parang may apat na daycare centers na dito sa bakuran namin sa dami ng bata. Kahit hindi namin kakilala basta nadaan sa tapat ng bakuran namin imbitado na. Nandito din kasi ang mga bata sa bahay ampunan sa kumbeto na tinutulungan namin. Nakakatuwa ang ngiti ng mga bata, napaka-inosente, ang saya nila. 

"Woah! Masarap ba yan anak? Kinagat mo yung tenga ng dinosaur iiyak na yan sya." biro ko kay Khio na hawak na ang tenga ng dinosaur na kinuha nya ng mag-blow sya ng cake, hindi na nga namin naawat dahil pagkakuha nya ay daretso na agad sa bibig nya. Grabe lang talaga itong bochog namin, hindi magugutom.

"Rarrr aahhh! grrr.." 

"Aww angry na pala sya nanay eh, sige, mommy will help you, I'll eat the dino's tail baby." sabi pa ni Karina na yumuko nga at kumagat din sa buntot ng dinosaur.

"Raaarr mimi!" ang tuwa ni Khio ng makita nya ang ginawa ng mommy nya. Yumuko din sya papunta sa cake nya para kumagat din, ang bilis talaga matuto lalo na kapag sa kalokohan.

Natawa kami ni Karina ng gumawa na naman sya ng sound na parang galit na dinosaur, ang dami na talagang alam ni Khio. Nakakaintindi na sya, parang kailan lang, ang laki na ng bochog namin. 

"Family picture muna kayong tatlo tapos buong angkan na, dali." 

Napatingin kami kay Yeji na may dalang camera at nakapwesto na pala sa harapan namin. Sya ang official photographer ng first birthday ng pamangkin nya, sya ang nagprisinta dahil hilig din pala nya ang kumuha ng litrato. 

Agad naman namin niyakap ni Karina si Khio sa gitna namin, marunong ang bochog namin mag pose, pag turo ni Karina sa tita Yeji nya na may hawak na camera ay ngumiti na agad si Khio. Kaya naman habang nasa mood pa sya ay todo posing din kami mag asawa, at todo cheer ang buong pamilya namin dahil kahit anong ipagawa namin na pose kay Khio ay nasunod sya. 

"Dali Yeji habang nasa mood pa si Khio!" tawag ko kay Yeji na nagmamadaling i-set up ang camera sa tripod nya.

"Sandali! sandali! Ayan na! Say Happy Birthday Mochiiii!!!" 

"HAPPY BIRTHDAY MOCHI!" 

Grabe yung lakas ng sigaw, nag-ihit kakatawa si Khio at pumalakpak pa nga.

"Bubuh abrrfff!" excited na sigaw ni Khio na ikinatawa namin lahat.

Ang sarap ng I love you na galing sa anak ko kahit bulol pa. 

"We love you too Khio!" sagot ni Ning sa tabi ko habang nagpoposing pa din. 

"Ang saya saya ng baby namin na yan."  nangingiting sabi ko kay Khio na karga ni Karina habang nagpopose pa din kami.

Family Yu, Reyes, Uchinaga at Hwang na kasi ang sunod na magpapa-picture, kaya eto kami at nagsiksikan na sa tabi ni Khio. Nakakatuwa, ang dami na namin sa pamilya, limang buwan na lang, may dadagdag pa na dalawang cute na babies. Excited na talaga ako, ang cute cute nilang tatlo malamang pag nagsama-sama. 

Pagkatapos ng family picture ay nagpa-picture naman sila ng solo kay Khio, buti na nga lang at mukhang masaya si Khio ngayon, kadalasan kasi ay kung hindi blurred, eh hahabulin mo talaga sya o hahawakan mabuti para lang makuhaan ng maayos. Ang likot lang talaga ni mochi jusme.

"Jimin, Gigi! Tara! sayawin ulit natin yung gento, ang laki ng premyo ni grandpa!" yaya ni Yeji kina Giselle at Jimin na nananakbo palapit sa pwesto namin. 

Akala ko pa naman kung ano na ang nanyari dahil nagmamadali sya, ang layo pa nya sa amin, tumatawag na agad dito sa dalawa na akala mo may emergency!

Hindi namin maiwasan matawa ni Ning sa naging itsura ng mga asawa namin, sabay pa talagang nag-middle finger sina Karina at Giselle kay Yeji na ngumuso sa dalawa dahil ayaw syang sakyan sa trip nya. 

"Ikaw na lang Yeji, tutal walanghiya ka naman." ani Giselle na bumalik sa pagkain ng shanghai na sinusubo ni Ning sa kanya. 

"Gagi, ba't masakit ang straight tagalog kapag galing kay Gigi?" kamot ang ulong tanong ni Yeji. 

"Realtalk kasi yon." singit ni Ning.

"Baby inaaway nila ako..." sumbong ni Yeji kay Ryujin na tila wala naman pake dahil busy kumain ng biko.. yung latik lang talaga ng biko ang kinakain nya, ang weird talaga ng panlasa pag buntis. 

"Ikaw na lang sumayaw mag-isa baby, para wala ka ng kahati sa premyo, pang-diaper at pang gatas din ng anak natin yon." biro ni Ryujin kay Yeji. 

"Sige." 

"Hala gagi.." hindi na nakaimik si Ryujin nang nagmamadali ng umalis si Yeji sa tabi nya. 

Hagalpakan kami ng tawa ng mabilis na pumunta sa gitna ng mini stage si Yeji at pumagitna sa mga batang sumasayaw ng gento, ang sabi kasi ni grandpa mamimili daw sya ng magagaling sumayaw at yun ang bibigyan nya ng premyo. Ang loko-lokong si Yeji dahil naka-inom na, ayon, matigas na ang mukha at doble na ang kulit. 

"Yung asawa mo Yeji pigilan mo." natatawang asar ni Ning kay Ryujin na nangangamatis na sa kahihiyan na pinaggagawa ng asawa nya.

At dahil nga naka-inom na si Yeji, yung steps nya doble na din sa energy. Grabe ang sakit ng panga ko kakatawa, nahahampas ko na si Karina sa tabi ko na naiiling na lang sa pinsan nya. 

"Luh? Kasal na ako?" patay malisyang tanong ni Ryujin.

"Gaga ka, ikaw nag-utos dyan!"

"Malay ko ba na susunod sya, jusko...Yeji Hwang! Bumalik ka na dito maawa ka sa mga bata!" pigil ni Ryujin pero tila nasa mood talaga sumayaw si Yeji. Kinarga pa nga yung isang bata at ginawang props. 

"Sayang to baby, dagdag sa pang-diaper at pang-gatas ni baby dumpling!" 

"Pinagsasabi mo?! Halika na dito! Nakakahiya nagbibiro lang naman ako!" pulang-pulang tawag ni Ryujin. 

"Mama! Yung aleng lasing dinadaya po kami!" nagulat kami ng may batang biglang umiyak, nanakbo palapit sa nanay nya at nagsumbong. Yung bata galing sa kumpol ng mga batang nagsasayaw ng gento kasama ni Yeji. 

Napatakip na lang kami ng mukha ng makita namin si Yeji na humahataw pa rin sa chorus part ng sayaw. Kung mapitik sya sumayaw kapag hindi sya lasing, isipin mo na lang yung energy nya na lasing sya, parang nasasapian na.

"Grandpa panalunin mo na ako, ako lang naman tama ang step